Abasore bagize umugwi BNB30.   Turashobora kuvuga ko bidasaba ng'ugire izina rinini kugira usohore ururimbo ruryoshe canke uririmbe neza. BNB30 n'abasore Batatu baririmba neza bishize hamwe, k'uwuriko arasoma ino nkuru urashobora kwibaza ikidasanzwe kiri mu kuba barakoze umugwi, ariko ikidasanzwe kiri mu kuba uwo mugwi waje ugutandukanye n'iyindi yose, aho mu ndirimbo yabo bumvikanyemwo nk'ubwambere; mu congereza ciza, n'igifaransa wokwibaza ko ari abanyaburaya bagize Bati "African Beauty", vyumvikana ko bafise ubudasa twovuga ko batuzaniye bishasha, kandi bikazobaha amahirwe yo gukora umuziki twovuga njabukamazi . Baratumbereye Studio ya Master Muzik Records, babakirana iminwe yompi, baraheza babakinjikira ino ndirimbo uno musi tugutumiriye kwumviriza no kuyisangiza incuti zawe kuko twizeye kw'iza kukuryohera. https://www.youtube.com/watch?v=ovuqkN3PKgE

Clementine Kavy, umwigeme ariko yemeza urwinshi rw'abakunzi ba Ndundi muzika Benshi baratangazwa n'uyu mwigeme ukwo agenda yigaragaza mu kibuga ca muzika ndundi ukwo bukeye ukwo bwije ,ariko ico benshi bahurizako n'uko ari umwigeme atari uwo kwirengagiza tukabibutsa ko ari nawe mwigeme yaserukiye intara ya Cankuzo asanzwe avukamwo imyaka ibiri yose mw'ihiganwa Primusic. Kuva ku ndirimbo yumvikanyemwo ubwambere Romantic Cover yari yabaye neza na neza Tiwa Savage, bamwe bati abo ni bamwe basubiramwo ivy'abandi batokora ivyabo ngo burakeye tubirabe ariko umwana w'abakobwa ntiyatevye aho yabigarutsemwo neza agira ati:"Uranyemeza." mu mudiho mwiza, mu majambo anoboye, mu kajwi karyoheye ugutwi, abifashijwemwo na Studio asanzwe akoreramwo kenshi ya Master Muzik Records aho yakorewe na Masterland na Evry Pro yarabikoze aho gushika n'ubu iyo ndirimbo icikugurwa aho vyabonekeye mu giteramo co kuri Lacosta Beach co kuwa 07/07/2018 cari categuwe n'umuririmvyi yamamaye Sat-B basanzwe ...

Biragoye kumenya igituma umuririmvyi nk'uyu atameze canke ahabwa umwanya ungana n'abaririmvyi nka Big Fizzo, Natasha, Masterland n'abandi mu bimenyeshamakuru, mu masamirizi n'ahandi ariko inyishu si iyakure; n'imwe n'uko akiri mushasha ,ariho agiseruka ariko vy'ukuri ntawodeha kuvuga k'ari mu vyirori umuziki ndundi ufise nka kagakoni ko mu busaza ,afise vyose umuririmvyi asabwa kugira abe akwije vyose, n'umucuraranzi, yandika neza nk'uwuvyigisha ,afise ijwi risinziriza abana harya ku mutaga afise kandi n'ubumenyi kuko asanzwe yiga muri kaminuza mu mwaka wa kabiri .. Aka rero n'akaryo keza ko kumenya no guhura n'uwo muririmvyi akiri muto ariko ashoboye asanzwe avuka mu ntara nshasha ya rumonge ahazwi nko  ku mashuha; yadusohoreye indirimbo igira 3;k'uwu wa 12/01/2018 muri Master Muzik Records ihuriro ry'ingabirano.. mu kuboko kwa Lil Evry na Masterland havutse indirimbo nk'iyi mugira mwumvirize, yasohotse kw'izina rya "Warawutwaye".. Warawutwaye, nirwo ruririmbo ...